Apre Ranplasman Ranch: Kilè pou Rele Chirijyen w

Rele 911

Rele 911 touswit si w gen:

• Doulè nan pwatrin

• Souf kout

Kilè pou w rele founisè swen sante w 

Rele founisè swen sante w oswa jwenn swen medikal touswit si w gen:

• Doulè nan ranch ki vin pi mal

• Doulè oswa anfleman nan molèt ou oswa nan janm ou ki pa toupre ensizyon w lan

• Doulè oswa po wouj nan molèt ou

• Lafyèv 100.4°F (38°C) oswa pi wo, oswa selon rekòmandasyon yo

• Frison avèk tranbleman

• Anfleman oswa woujè nan sit ensizyon an ki vin pi mal

• Likid oswa yon movèz odè k ap soti nan ensizyon an

Anpeche enfeksyon

Yon enfeksyon ka andomaje nouvo jwenti a. Nenpòt enfeksyon nan kò w, tèlke nemoni oswa yon enfeksyon nan blad pipi, ka gaye nan nouvo jwenti w la. Rele chirijyen w oswa founisè swen sante prensipal ou si w panse ou gen nenpòt kalite enfeksyon.

Rele yo si w gen plan pou w sibi nenpòt pwosedi medikal oswa dantè. Founisè swen sante w ka konseye w pran antibyotik anvan nenpòt pwosedi yo pou ede evite enfeksyon.